FIATREHANA NY FETIN’NY FARAN’NY TAONA 2024 : MANDRAY FEPETRA MARO NY ZANDARIMARIA

Mba hafahana manatratra ireo tanjona napetraka ireo dia misy ny fepetra tsy maintsy ho raisina toy ny:

Fampitombona isa ireo zandary miantsehatra eny an-kianja

Fanatsaharana ny fialan-tsasatra ho an’ireo zandary (permission)

Fampitombona isa ireo zandary manao fisafona (patrouille) eny amin’ny toerana betsaka olona, eny amin’ny toby famatsiana herin’aratra na solika mba hisoroana ny tranga mety hanoitohina ny fizotrin’ny fetin’ny faran’ny taona

Fametrahana ny hery vonjy-taitra isakin’ny toby ny zandary indrindra isaky ny distrika mba ahafahana mamonjy ara-potoana sy mamaly antso faran’izay haingana amin’ny toerana mety ilana mpitandro filaminana

Asongadina amin’izao fandraisana fepetra izao ny fampihenana na ny fisorohana ny lozam-pifamoivoizana. Araka izany dia misy fanentanana sy fampatsiahivana ny fanajana ny fitsipika rehetra mifehy ny fifamoivoizana, ho an’ireo mpampiasa lalana. Hamafisina hatrany ny fitsirihina ireo atontataratasy mahakasika ny fiara.

Noho izany dia manentana ny tsirairay ny eto anivon’ny zandarimariam-pirenena mba :

handray sy hanaraka ny fepetra mahakasika ny fifamoivoizana

hajain’ireo mpitatitra, na an-tanety na an-dranomasina, ny isan’ny olona ho entiny, hialana amin’ny taingim-be (surcharge).

hanajana ny hafainganam-pandeha. Aoka mba tsy hanao hafainganam-pandeha mihoa-papana

tsy miaraka ny fisotrona sy fidorohana zava-mahadomelina ary ny familiana.

Entanina ny tsirairay mba hanamarina ny kojakojan’ny fiara alohan’ny hiala amin’ny toerana iray.

Aza hadino ny mampandre faran’izay haingana ny mpitandro filaminana amin’ny fivezivezena sy fisian’ny olon-dratsy izay mety hanoitohina ny fizotrin’ny fetin’ny faran’ny taona.

Ny zandarimariam-pirenena dia mirary ny tsirairay mba hiatrika ny fety am-pilaminana.

Zandarimaria MAFI

Zandarimaria miasa ho anao

Namanao ny Zandarimaria